Дәүләт Советы депутаты батыр уллар үстергән әниләргә, волонтерларга истәлекле чара оештырды
Бу көннәрдә Зәй волонтерлары, уллары махсус хәрби операциядә катнашучы әниләр Әлмәтнең «Алсу» оек-оекбаш фабрикасында кунакта булдылар.
Очрашуга батыр уллар әниләре, Чыбыклы һәм Поручик авыл җирлекләре волонтерлары ТР Дәүләт Советы депутаты, «СМП-Нефтегаз» АҖ генераль директоры Рияз Комаров оештырган матур кичәдә катнаштылар. Очрашу идеясе 2025 елның ноябрендә Әниләр көненә багышланган чараларда туган булган.
Кунаклар өчен фабрика буйлап экскурсия үткәргәннәр, анда хатын-кызлар җитештерү процессын күзәткәннәр. Иҗади мастер-классларда оекбашлардан розалар ясарга да өйрәткәннәр. Очрашу чәй өстәле артында гапләшү белән тәмамланган.
Рияз Комаров билгеләп үткәнчә, мондый очрашулар уллары Ватанны саклаучы хатын-кызларга һәм тылда фронтка ярдәм итүчеләргә рәхмәт белдерү мөмкинлеге булып тора.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев