Чәчтараш бизнесы эксперт советы тарафыннан хупланды
12 ноябрьдә Зәй «Россия эше» кадрлар үзәгендә «Кадрлар» илкүләм проектын гамәлгә ашыру кысаларында эшсез гражданнарның бизнес-планнарын бәяләү буенча эксперт советының быел икенче утырышы узды.
Эш башлаучы эшмәкәрләргә ярдәм итү «Кадрлар» илкүләм проектын гамәлгә ашыруда иң мөһим юнәлешләрнең берсе булып тора.
Утырышта чәчтараш хезмәте күрсәтү белән шөгыльләнергә ниятләгән потенциаль эшмәкәр тәкъдим иткән бизнес-план каралды. Чыгыш ясаучы ничек табыш алырга планлаштыруы, үсеш стратегиясе, клиентларны җәлеп итү планнары, алынган финанс чараларын тоту юнәлешләре турында җентекләп сөйләде. Җентекле анализдан һәм фикер алышудан соң совет әгъзалары тәкъдим ителгән проект буенча уңай карар кабул иттеләр.
«Россия эше» кадрлар үзәге үз эшен ачу өчен бер мәртәбә финанс ярдәме тәкъдим итеп, эш башлаучы эшмәкәрләргә актив ярдәм күрсәтә.
Әгәр сез эш эзлисез яки үз эшегезне ачарга телисез икән, үзәк белгечләре сезгә консультация бирәчәк һәм үз бизнесыгызга юлда беренче адымнарны ясарга ярдәм итәчәк. Консультация өчен 8(843) 222-05-57 (өстәмә 2807) телефоны буенча шалтыратыгыз.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев