Бүген төнлә кырау төшәргә мөмкин
Бүген – 12 майда Татарстанда көндез бик җылы. Ә төнлә һава температурасы 2 градуска кадәр түбәнәя.
Гидрометеоүзәк мәгълүматларына караганда, көндез термометрның терекөмеш баганасы +16…+21 градуска кадәр күтәрелде. Төнге сәгатьләрдә һава температурасы +1…+6 градус кына тәшкил итәчәк. Урыны белән кырау төшәргә мөмкин.
11-20 майга кадәр Татарстанда уртача һава температурасы климат нормасына туры киләчәк, дип вәгъдә итә синоптиклар. Атна дәвамында Зәйдә көндез +19...+22 градус җылы булачак. Явым-төшемнәр көтелми.
Фаразлар буенча, температура уртача күрсәткечләргә якын булачак: республика буенча – +13,6 °C. Нормадан тайпылышлар көтелми.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев