Бозга кергән өчен штраф каралган

Бу көннәрдә Зәй елгасында балык тотарга килгән ике ир-атның батып үлүе турында хәбәрне күпләр ишеткәндер. Бу безне уйланырга, сак булырга этәрә.
Район гражданнар оборонасы һәм гадәттән тыш хәлләр бүлеге юка бозга чыгуның куркыныч булуы турында кисәтә. Җиде сантиметрдан юкарак бозга кергән өчен гражданнарга — 1500-2000, вазифаи затларга — 5000-7000, юридик затларга 50000 — 70000 сум штраф каралган.
Бозга кереп тормышыгызны куркыныч астына куймагыз, сак булыгыз!