Бигештән Тәнзилә апа абыйсының өчпочмаклы хатларын кадерле ядкарь итеп саклый

Бу бәяләп бетергесез документлар — «дәһшәтле кырыгынчы» елларның кырыс истәлеген саклаган Бөек Ватан сугышы елъязмасының үзенчәлекле беренчел чыганаклары. Һәр хатта кемнеңдер язмышы.

Бигеш авылында Тәнзилә апа Сәфәргалиева да шундый кадерле ядкарьне саклый. Болар — әтисенең абыйсы Салих Кәлимуллиннан килгән хатлар. Хатларны ул әти-әнисенә язган. Кызганыч, Салих абыйга туган якларга исән-сау кайтырга язмаган. 1942 елның 3 октябрендә һәлак булган.