Бигештә ифтар ашы узды
Җиһанда бөек ай, айларның солтаны булган Рамазан ае хакимлек итә.
Ифтар — изге айда күркәм күренешләрнең берсе. Көн дәвамында ризыктан өзелеп торган организмга бәйрәм ясаудан тыш, юмартлыкка, бердәмлеккә дә бер мисал ул.
8 мартта Бигеш авылы мәчетендә ифтар узды.
«Авылыбыз хәзрәте Илгиз Ибатуллин бу эшне оештырып, халыкны җыеп бик саваплы ифтар ашы үткәрде. Аңа рәхмәтебезне җиткерәбез. Уразада булган кешене сыйлау — ул үзе бер олы савап. Барыбыз да сау-сәламәт булып, илләребез тыныч булып, аяз, тыныч күк йөзе астында яшәргә насыйп булсын иде», — ди бигешлеләр.
фотолар авыл җирлегеннән.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев