Бәхәс кулланучы файдасына хәл ителде

Ул йокы бүлмәсенә кәнәфи сатып алырга булган. Товарны китергәч, кәнәфинең бүлмәдәге урынга сыймаганлыгы ачыклана. Кулланучы сатучыга товарны башка, кечерәк кәнәфигә алыштыру турында мөрәҗәгать иткән. Ләкин сатучы катгый рәвештә баш тарткан. Сатучы үзенең баш тартуын тиешле сыйфатлы җиһазлар, башка күләмле, форма, габарит, фасон, төсе яки комплектлау буенча туры килмәгәндә кайтарылырга яки алмаштырылырга тиеш булмаган товарлар исемлегенә керүен дәлилли.

Сатып алучы үзенең бозылган хокукларын торгызу өчен Татарстан Республикасы Дәүләт алкоголь инспекциясенең Зәй территориаль органына мөрәҗәгать иткән.

-Кулланучыга дәгъва гаризасы төзүдә ярдәм күрсәтелде, сатучыга тиешле сыйфаттагы товарны кире кайтару тәртибе аңлатылды. Кулланучының тиешле сыйфатлы креслоны алмаштыру өчен барлык хокуклары бар. Моның өчен берничә шарт үтәлергә тиеш: мебель үзенең товар кыяфәтен саклап калган, фабрика ярлыклары бар һәм мебельне алыштыру өчен 14 көнлек срок тәмамланмаган булуы. Нәтиҗәдә кулланучы закон нигезендә креслоны кечерәгенә алыштыруга ирешә алды, - ди белгеч Эльвира Милочкина.

Кулланучылар таләпләре ирекле рәвештә үтәлмәгән очракта, үз хокукларын яклау өчен судка мөрәҗәгать итә ала. Белгечләр бу очракта ярдәм күрсәтергә әзер.