Авыл хуҗалыгы министры Зәйгә эш сәфәрен ат спорты комплексыннан башлады

Эш сәфәре графигында беренче эш Алексей Горшков КФХ комплексында булу иде. Биредә министр ат спорты комплексында булды, атларны тоту шартларын, комплексның эшен һәм районда ат спорты үсешен шәхсән бәяләде. Хуҗалык күңелле тәэсир калдыра: биредә атларны үрчетүгә һәм тәрбияләүгә җитди карыйлар.

Визит әле башлана гына. Авыл хуҗалыгы һәм азык-төлек министрлыгы башлыгының планында - «Зәй» агрофирмасы кырларын карап чыгу.  Төп игътибар шикәр чөгендере һәм көзге бодай чәчүлекләренә биреләчәк. Аграрийларның хәзер кызу  эш вакыты - урып-җыю кампаниясе  бара. Моннан тыш, министр «Агрокөч-сервис»АҖенең агросәнәгать паркы һәм ремонтлау цехы эшчәнлеге белән танышачак.