Атна уртасында Зәйдә 36 градус эссе көтелә

Бүген республика аша атмосфера фронты узу сәбәпле, кыска вакытлы яшенле яңгырлар, секундына 15 метр тизлектә җил булырга мөмкин. 

Чәршәмбе +34 градус эссе һава торышы фаразлана. 

ТР Гидрометеоүзәге мәгълүматлары буенча, пәнҗешәмбе көнне, 4 июльдә, көндез термометр баганалары +31дән +36 градуска кадәр җылыначак. Төбәк территориясендә уртача тәүлеклек һава температурасы климат нормасыннан 5-7 градуска артыграк булачак.

Мондый эсселек атна ахырына кадәр сакланачак. 

Шул ук вакытта җомга, шимбә һәм якшәмбе көннәрендә республика буенча урыны белән яшенле яңгырлар яварга мөмкин.

Автор фотосы.