Ана капиталын ничек кулланырга? Россиялеләр иң отышлы юнәлешне билгеләгән

Мондый нәтиҗәләр «Выберу.ру» платформасы үткәргән социологик тикшеренү нигезендә алынган, дип яза РИА Недвижимость.

Сораштыруда 18–65 яшьлек 3 мең кеше катнашкан. Аларның 87 проценты әлеге дәүләт акчаларын күчемсез милеккә салу иң отышлы ысул дип игълан иткән.

Респондентларның 34 проценты ана капиталын торлак мәйданын зурайтуга яки яшәү рәвешен яхшыртуга юнәлтергә теләвен белдергән. Ә 53 проценты бу акчаны бала өчен киләчәктәге инвестиция буларак фатир алуга сарыф итәргә әзер икәнен әйткән. Алар фикеренчә, мондый милек балага башлангыч капитал яки торак пункттан керем чыганагы булып хезмәт итә ала.

Сораштыру шулай ук күрсәткәнчә, 9 процент катнашучы ана капиталын белем алуга тотуны хуплый. Ә тагын 4 проценты әле үз сайлавын билгеләмәгән.

Чыганак: Татар-информ

фото: Татар-информ