Әлмәтнең «Рухият» нәшрияты 2025 елның тугыз китабын тәкъдим итте

«Бу гади генә мәдәни проект түгел, ә киләчәккә аңлы инвестицияләр. Милләтнең мәдәниятен, гореф-гадәтләрен сакларга мөмкинлек бирүче мондый мәдәни платформалар булдыру аша без төрле телләрдә иҗат итүче язучыларны һәм шагыйрьләрне хуплыйбыз», – дип аңлатты  «Татнефть» ПАҖ генераль директорының социаль үсеш буенча урынбасары Ренат Мамин.

2025 елда түбәндәге китаплар басылып чыкты:

• Илдус Гыйләҗев, «Шигырьләрдә калам: шигырьләр» (татар телендә);
• Артур Ибраһимов, «Галәмне гизгән татар: пьесалар» (татар телендә);
• Лира Ибраһимова, «Ике дөнья арасында: повестьлар, хикәяләр» (татар телендә);
• Риза Фәхретдин, «Гаилә – кечкенә бер дәүләттер» / «Семья – маленькое государство» (татар һәм рус телләрендә беренче тапкыр);
• Геннадий Макаров, «Татарларның этник музыка кораллары. Тарихи очерклар» (рус телендә);
• Разина Мөхиярова, «Дуслык кирәк: балалар өчен шигырьләр» (татар телендә);
• Нурсәйдә Фазлыева, «Кояшлы өй: балалар өчен шигырьләр» (татар телендә);
• «Без хәтерлибез, без горурланабыз!: Бөек Ватан сугышында катнашучылар, «Әлмәтнефть» НГДУ ветераннары» (рус телендә);
• «Клара Булатова: сөю кыйссасы: мәкаләләр, истәлекләр, хатлар» (татар телендә).

Традиция буенча, фонд тарафыннан басылган китаплар Татарстан шәһәрләренең китапханәләренә, уку йортларына, музейларга, картлар йортларына, Бөтендөнья татар конгрессына, «Татнефть» компаниясенең шифаханәләренә һәм ял базаларына, шулай ук Россиядә һәм аның чит илләрендә татарлар күпләп яшәгән урыннарга бүләк ителә.

«Рухият» нәшрият эшчәнлеген яклау программасы астында 1997 елдан башлап татар, рус, чуваш һәм инглиз телләрендә 270тән артык китап, гомуми тиражы якынча 520 мең данә басылып чыккан.

Чыганак: Татар-информ