Алексей Песошин һәм Әсгать Сәфәров ЛНРда Татарстан табиблары белән очраштылар

Бөтен илдән ЛНРга җыелган медицина хезмәткәрләренең миссиясе Луганск Халык Республикасындагы  балаларга тулы медицина тикшерүе үткәрү. Мондый бурычны Владимир Путин куйды. 

Узган елның ноябреннән Татарстан табиблары даими рәвештә Луганск Халык Республикасына командировкаларга китәләр. Бу вакыт эчендә алар 7 000 нән артык бала һәм яшүсмергә тулы профилактик тикшерү үткәрделәр.

Татарстан делегациясе табибларга хезмәтләре һәм үзләренә беркетелгән территориядә куелган бурычларны сыйфатлы үтәүләре өчен рәхмәт белдерде.

Материалны Сергей толмацкий әзерләгән.