Яңалыклар
Аксар авылында чыккан янгында ике шәхси хуҗалык зыян күрде
19 ноябрьдә 22 сәгать 55 минутта 88нче янгын сүндерү часте Аксар авылында Ленин урамында янгын чыгуы турында хәбәр ала.
Янгын сүндерүчеләр урынга килеп җиткәндә, бер хуҗалыкта каралты-кураны тулысынча янгын телләре камап алган була. Күрше йортның түбәсе астыннан төтен чыгуы күренә. Шулай ук утның күрше торак йортларга, каралты-кураларга да таралу куркынычы яный.
«Ут чыгу нәтиҗәсендә бер хуҗалыкта мунча, сарай, гараж һәм аларның күршеләренең йорты янды. Янгынның ни сәбәпле чыгуын ачыклау эшләре бара», — дип хәбәр итәләр район янгын күзәтчелеге хезмәтеннән.
Фото район янгын күзәтчелеге хезмәтеннән.
Следите за самым важным и интересным в Telegram-каналеТатмедиа
Нет комментариев