35 зәйле «Зур гаилә яллары» проектына кушылды

7 сентябрьдә «Йолдызлык» балалар ял-савыктыру лагеренда Россиядә Гаилә елына багышланган «Зур гаилә ял көннәре» спорт-күңел ачу программасы узды.

Иске Зәй яшьләр үзәге белгечләре мавыктыргыч һәм кызыклы программа әзерләгәннәр иде, ул гаиләләрне тагын да ныграк берләштерде.

- Төрле буыннардан 35 вәкил ял көннәрен күңелле һәм мавыктыргыч итеп үткәрә алды. Актив катнашучылар уен эстафетасында үзләрен сынадылар, анда гаилә бердәмлеген һәм ярдәмчеллеген күрсәттеләр, көзге тематикада гаилә ризыклары әзерләделәр, аннан дискотека оештырылды. Район яшьләр эшләре идарәсеннән катнашучыларга истәлекле бүләкләр тапшырылды, - ди чараны оештыручылар.