2025 ел югалтулары

Узган ел зәйлеләр исемнәре кече Ватан тарихына мәңгегә язылган, район, мәгариф, сәламәтлек саклау тармагы үсеше өчен зур көч куйган шәхесләр белән хушлаштылар. 

2025 елгы югалтулар арасында Бөек Ватан сугышы ветераны, Зәй муниципаль районының Мактаулы гражданины Анна Ивановна Моисееваның вафаты аерым урын алып тора. Ул 5 апрельдә 103 яшендә вафат булды. Анна Ивановна Мәскәүдән Берлинга кадәр сугышчан юл үтә, 61нче армиянең кыр госпиталендә кече шәфкать туташы булып хезмәт итә һәм «Сугышчан казанышлары өчен», «Берлинны алган өчен» медальләре һәм II дәрәҗә Ватан сугышы орденнары белән бүләкләнә. Сугыштан соң ул 40 елдан артык медицина тармагында хезмәт куя, яшьләргә остаз була. Зәйлеләр өчен Анна Моисеева батырлык, шәфкатьлелек һәм Ватанга тугрылык символы булып калачак.

Хәрби комиссар Айрат Фоат улы Әгъләмҗановның үлеме – зәйлеләр өчен зур югалту. Ул 52 яшендә вафат булды, 20 елдан артык гомерен армиягә багышлады.  Айрат Фоатович зәйлеләр күңелендә намуслы офицер, хәрби хезмәткәрләр һәм аларның гаиләләре турында чын күңелдән кайгыртучы кеше буларак истә калды.

Җәй көне зәйлеләр районның Мактаулы гражданины, педагогик хезмәт ветераны, районның элекке башлыгы һәм Татарстан Дәүләт Советы депутаты Татьяна Васильевна Воропаева белән хушлашты. Аның социаль өлкәне һәм хәйриячелекне үстерүгә керткән өлеше зәйлеләр хәтерендә мәңгегә калачак.

2025 елда Чыбыклы авылында 30 елдан артык  имам булып хезмәт куйган Галәлетдин хәзрәт Ситдыйков вафат булды. Ул берничә буын зәйлеләр өчен рухи остаз булды һәм мөселман җәмгыятендә  абруй казанды.

Тагын бер авыр югалту – Зәй район үзәк дәваханәсенең мактаулы табиб-анестезиологы Илдар Маликович Идиятовның үлеме. Ярты гасыр гомерен ул медицинага багышлады, күпме гомерләрне саклап калып, пациентлар өчен профессиональлек һәм кешелеклелек үрнәге булып калды.

Тагын бер  зур югалтуларның берсе — Зәй һөнәри белем бирү системасына нигез салучы Тихон Иванович Никитинның вафаты. Зәй машина төзелеше техникумы зур уку йортына әверелеп, меңнән артык белгечкә тормышка юллама бирде. 

Зәй район үзәк дәваханәсе табиб-неврологы Камил Кәлимулла улы Хәсәновның үлеме - Зәй өчен тагын бер авыр югалту. Ул 16 декабрьдә 70нче яшендә вафат булды. Хезмәттәшләре һәм пациентлары хәтерендә ул игътибарлы, югары профессиональ доктор һәм яшь белгечләр белән тәҗрибәсе белән уртаклашкан акыллы остаз буларак истә калды.