«Зәй егетләре – ил сагында»: Виталий Ишмянов

Хәзерге вакытта Белгород өлкәсе  Новый Оскол шәһәрендә хезмәт итә.

Армия хезмәте — ир-егетләр үтәсе бер баскыч ул. Авылдан, туганнар арасыннан чыгып китеп чит-ят җирләргә, бөтенләй таныш булмаган кешеләр арасына барып керәсең. Шунда үзеңнең кем икәнлегеңне беләсең һәм киләчәктә нишләргә теләгәнеңне әзме-күпме күзаллап кайтасың. Халыкта, аналардан малай туа, ирләр тумый, дигән әйтем бар. Нәкъ  менә армия егетләрне сабыр, нык булырга өйрәтә. Чын ир хезмәт тәрбиясе алган, хәрби хезмәт юлын үткән, киләчәктә нәрсә эшләргә кирәклеген белгән егетләр алар.