Хәрби: «Батыр уллар үстергән әниләргә рәхмәт»

Хәзер ул, яралану сәбәпле, ялда. Штурм вакытында яраланган егет күзенә операция ясауны көтә, тернәкләндерү курслары уза.

— Хәрби хезмәтне илебез чикләрен саклап үттем. Махсус хәрби операция башлангач, элекке пограничник буларак, читтә кала алмадым. Илгә авырлык килгән вакытта Ватанны саклау һәр ир-егетнең бурычы дип саныйм, — ди ул.

Ялын егет якыннары белән уздыра. Махсус хәрби операциядән ялга кайтучылар белән очрашуга хәрби егет Кадер авыл җирлеге башлыгы Людмила Барсукова белән килгән иде.

— Әлеге егетнең гаиләсе — авылда гына түгел, районда да үрнәк гаиләләрнең берсе. Әти-әнисе тырышлар. Әтисе гаилә фермасы булдырды, әнисе — укытучы. Җирлегебезне бизәп яшәүче гаиләдә балалары да тырыш, батыр булып үсте, — ди Людмила Николаевна.

Кадер хәрбие дә гүзәл затларыбызны бәйрәм белән котлау сүзләрен ирештерде.

— Батыр уллар үстергән әниләргә рәхмәт, сезгә сабырлык, ныклык телим. Сезгә бәхет, иминлек һәм уңышлар юлдаш булсын, барлык көннәрегез дә кояшлы, якты булсын, гаиләләрдә татулык хөкем сөрсен, тормышларыгыз матур булсын, — ди ул.