Зәйдә мәдәният: мәдәният үзәкләре, мәдәният йортлары һәм парклар
Зәй районының мәдәни тормышы үзенең бай традицияләре, уникаль гореф-гадәтләре һәм бай иҗат тормышы белән дан тота. Бай иҗади потенциал һәм буыннан-буынга тапшырыла торган кыйммәтләр аркасында биредә барлык халыкның ирекле иҗаты өчен идеаль шартлар тудырылган.
-
Зәй районында мәдәни объектлар
Тасвирлама: Шәһәр һәм районда фестивальләр, концертлар һәм конкурслар уздырыла торган бик күп мәдәният объектлар бар. Биредә талантлы иҗат коллективлары эшли, алар үз чыгышлары аша гореф-гадәтләрнең көче, мәдәниятнең рухы һәм туган як тарихы турында сөйлиләр. Районның мәдәни колориты шулай ук паркларда һәм скверларда чагыла. Аларның күбесе ял итү урыннары гына түгел, һәйкәлләр, мемориаллар һәм башка тарихи объектлар урнашкан территорияләр дә.
-
Зәйдә ял итү һәм күңел ачу өчен парклар: фотолар һәм адреслар
Тасвирлама: Зәй шәһәре — Татарстанның иң «яшел» район үзәге. Аның күп өлешен парклар һәм җәмәгать киңлекләре тәшкил итә. Кайсы шәһәрдә яшәүчеләр үз район үзәгендә урман массивы булуы белән мактана ала?! Ә микрорайоннарның берсе - Карамалы бистәсе гомумән урман янәшәсендә урнашкан. Зәй районында урманнар территориянең 25,1 % алып тора. Шәһәрдә скверлар һәм парклар күп, анда җирле халык һәм туристлар ял итәргә ярата. Биредә биек агачлар кочагында ялгыз, җәяүлеләр сукмаклары буйлап йөрү, кошлар сайравын һәм яфраклар кыштырдавын тыңлау, дуслар яки бөтен гаиләң белән актив вакыт үткәрү рәхәт. Шәһәр халкының иң яраткан урыннарының берсе-Ринат Фәрдиев исемендәге парк. Ул үзенең матурлыгы белән үзенә тарта – Кармалка елгасы бөтен паркның үзәге буйлап ага. Биредә төзекләндерелгән ике буа бар. Алар һәр ел фасылында олысын да, кечесен дә җәлеп итә.
Зәй районында туган як тарихын өйрәнү музее, «Космос» кинотеатры, Зәй балалар музыка мәктәбе, «Энергетик» Мәдәният сарае, Район мәдәният йорты, шәһәр мәдәният йорты, Сөббух Рәфыйков исемендәге Үзәк китапханә, 39 авыл клубы һәм мәдәният йорты, 34 китапханә, 2 мобиль автоклуб эшли. Зәйнең горурлыгы- Р.Ш. Фәрдиев исемендәге ял паркы, Яшьләр паркы, космик сквер һәм Таҗетдин Ялчыгол скверы.
Зәй районында 23 мәдәни мирас объекты, шуларның 2се республика әһәмиятендәге, Бөек Ватан сугышы вакыйгаларын мәңгеләштерүгә бәйле 72 объект, 13 мемориаль такта урнаштырылган.
Зәй районында Мөдәррис Әгъләмов, Гурий Тавлин, Сөббух Рәфыйков, Аяз Гыйләҗев һәм безнең замандашларыбыз Рабит Батулла һәм Хатыйп Миңнегулов кебек танылган мәдәният эшлеклеләре яшәде һәм эшләде.
Зәй туган якны өйрәнү музее шәһәрнең тарихи өлешендә - Иске Зәйдә (Орджоникидзе урамы, 55 йорт) 1 нче гильдия сәүдәгәре И.Н.Бекетовның 1902-1903 елларда төзелгән элеккеге йортында урнашкан. Бина тарих һәм архитектура һәйкәле булып тора.
Зәйлеләрнең һәм район кунакларының иң яраткан бәйрәмнәре-Сабантуй, Питрау һәм Зәйдәге Шәһәр көне.