"Мәктәп тавы" музей-тыюлык зонасы

Адресы:
Зәй шәһәре, Кызыл мәйдан урамы

Мәктәп тавы – шәһәрнең тарихи үзәге булган Иске Зәй бистәсендәге истәлекле урыннарның берсе. 1652 елда бу тауның башында Зәй крепосте төзелгән булган. Соңрак, 100 ел дәвамында мәктәп торганга күрә аны “Мәктәп тавы” дип атаганнар. Бүгенге көндә бу тау зәйлеләрнең һәм шәһәребез кунакларының иң яраткан ял итү урыны. Шушы таудан Иске Зәй бистәсенең бөтен матурлыгы башлана да инде. 2017нче елда төзелгән Билал мәчете, аның янәшәсендә генә Крестовоздвиженск (Хач торгызу) чиркәве тирәлеккә ямь биреп тора. Бу калкулык түбәләреннән Зәй сусаклагычы, заманча яр буе һәм шәһәр пляжы, шәһәрнең яңа өлеше һәм аның матур тирә-ягы күренеп тора.