Җиңү бульвары

Тасвирлама:
Җиңү Бульвары 2005 елда Бөек Ватан сугышында Җиңүнең 60 еллыгына ачылды.
Адресы:
Зәй шәһәре, Җиңү бульвары

Зәй Бөек Ватан сугышында Җиңүгә үз өлешен кертә: шәһәр һәм районнан фронтка 11600 кеше китә, шуларның 7410ы сугыш кырларыннан әйләнеп кайтмый. Мәңгелек хәтер... Җиңү бульвары-шәһәребезнең халык иң күп йөри торган урыны. Никахларын теркәгәннән соң, яшь парлар Җиңү бульварындагы Азатлык китерүче солдат һәйкәленә чәчәкләр салырга килә. Азатлык китерүче солдат һәйкәле 1975 елда Бөек Ватан сугышында Җиңүнең 30 еллыгына булдырыла. 2021 елда Зәйдә Азатлык китерүче солдат истәлегенә яңа һәйкәл куелды. Солдат фигурасы төз буйлы, ул пилотка һәм плащ-палаткадан, уң кулына ППШ автоматы тоткан. Материалы –бронза, авырлыгы - 2,3 тонна, биеклеге - 5 м 20 см. Аны Казан скульпторы Фәнил Вәлиуллин һәм Зәй скульпторы, рәссам Фазыл Шиапов эшләде. 2015 елның 9 май - Бөек Җиңү көнендә бульварда тыл хезмәтчәннәренә багышланган монументаль - барельеф композициясе ачылды. Барельеф ике яклы: бер ягында тыл хезмәтчәннәре, икенче ягында хәрби эпизод сурәтләнгән. Скульптураның төп фигуралары сугыш елларында тылда хезмәт куйганнарның барысын да гәүдәләндерүче дүрт образ булды: станок артындагы яшүсмер, игенче, Җир-ана, хәрби завод эшчесе. Күргәзмә хәрби техникасы: Т-80 танкы, БТР, гаубица, кыр пушкасы һәм зенит җайланмасы Җиңү бульвары композициясен тулыландыра. Биредә 1986 елның 26 апрелендә Чернобыль АЭСында булган авария нәтиҗәләрен бетерүчеләргә багышланган обелиск урнашкан. Шулай ук якташларыбыз - очучылар-Советлар Союзы Геройлары Григорий Федотович Ларионов, Николай Иванович Майков, Александр Афанасьевич Васильевка бронза бюстлар куелды.