Зәйнең хоккей командалары җиңүләр яулый
13нән 16 февраль көннәрендә Зәйнең «Яшьлек» хоккей командалары төрле дәрәҗә хоккей уеннарында уңышлы чыгыш ясады.
13нче февральдә безнең «Яшьлек» боз сараенда «Алтын алка» Бөтенроссия яшь хоккейчылар ярышларының республика этабында 2013-2014 елларда туганнар командалары көч сынашты. Анда зәйлеләр Бөгелмәнең «Арслан» командасы белән уйнап 3кә 2 исәбенә җиңделәр, ә Баулының «Девон» командасын безнең яшьлеклеләр 5кә 4 исәбенә җиңә алды. Команданың тренеры Д. Кривенко.
14 февральдә хоккей буенча Татарстан беренчелеге өчен календарь уеннары 2012 елда туганнардан төзелгәннәр арасында барды. Анда безнең «Яшьлек» командасы Нурлатның «Ледок» уенчыларын 4кә 3 исәбенә җиңде. Тренер А. Хөснетдинов.
16 февральдә Әгерҗедә узган календарь уеннарында зәйлеләр Әгерҗенең «Спутник» командасын җиңеп кайттылар. Исәп 3кә 0 булды.
17 февральдә Җәлил поселогында 2012 елгылар командалары республика беренчелеге календарь уеннарын үткәрде. Анда яшьлеклеләр җәлиллеләрне 4кә 9 исәбенә җиңде.
Следите за самым важным и интересным в Telegram-каналеТатмедиа
Нет комментариев