Спорт
Зәйнең яшь көрәшчеләре Чувашия турнирында җиңүләр яулады
13 гыйнварда Чувашиянең Канаш шәһәрендә 2012 елда туганнар һәм аннан яшьрәкләр арасында А. С. Григорьев истәлегенә ирекле көрәш буенча ачык турнир үтте.
Анда Чувашия, Татарстан республикаларыннан, Ульян өлкәсеннән 180нән артык яшь спортчы катнашты. Анда Зәйдән тренер Илнар Хәйруллин шәкертләре көрәште.
Нәтиҗәдә 24 кг. га кадәр авырлыкта Данис Фаршатов — икенче, 29 кг. үлчәүгә кадәр Әбүбәкер Мугурбаев — өченче, 33 кг. га кадәр Әмир Хөснетдинов — икенче урыннарны алдылар. Данис җиңүгә омтылыш кубогына да ия булды. Ә тренер Илнар Хәйруллинга актив тормыш позициясе, яшь буынны спортка тартуы өчен Рәхмәт хаты тапшырылды.
Следите за самым важным и интересным в Telegram-каналеТатмедиа
Нет комментариев