Зәйлеләр Физкультурачылар көненә чакыра
10 августта Зәйнең «Энергия» стадионында спорт бәйрәме – Физкультурачылар көне узачак.
Бәйрәм «Спорт – тормыш нормасы» федераль проектының «Демография» илкүләм проекты кысаларында үткәрелә.
Чарада Зәй мәктәпләрендә тәрбияләнүчеләрнең киокусинкай, көрәш, нәфис гимнастика, баскетбол, футбол, хоккей буенча күнегүләрен һәм күрсәтмә чыгышларын күрергә мөмкин булачак.
Теләге булганнар шулай ук ГТО нормативларын һәм гаилә эстафетасын тапшыруда, йога һәм сәламәтләндерү гимнастикасы дәресләрендә катнаша ала.
Стадионның спорт мәйданчыкларында ветераннар арасында мини-футбол, шахмат һәм шашка, пляж волейболы һәм җиңел атлетика буенча ярышлар уза.
Барыгызны да спорт бәйрәмендә көтәбез! 0+
Следите за самым важным и интересным в Telegram-каналеТатмедиа
Нет комментариев