Зәйдә өстәл теннисы уены да популярлашып килә

24-25 ноябрьдә Әлмәттә мәктәп укучылары арасында өстәл теннисы уеннары үтте. Анда Әлмәт, Баулы, Түбән Кама, Чаллы, Зәй, Минзәлә, Актаныш, Сарман, Тукай районнарыннан, Ижау, Ульяннан әлеге спорт төрен үз итүчеләр катнашты.
Зәйнең «Барс» спорт мәктәбендә шөгыльләнүче кызлар Азалия Габдрахманова, Карелия Комарова матур уен күрсәтте. Ә малайлардан уеннарда Тимур Арсланов, Александр Никитин, Данил Сурков, Никита Аркадьев, Данил Бабатов, Марсель Хәйруллин, Данияр Галиуллин катнашты. Аларның тренерлары М. Уразманов, М. Комендантов.