Зәйдә «Җиңү көненә кадәр — 79 километр» акциясе старт алды

17 апрельдә «Энергия» стадионында «Җиңү көненә кадәр — 79 километр» спорт-патриотик акциясе старт алды.

Акциянең максаты — Ватанны саклаучылар, Россиянең хәрби данын мәңгеләштерү, сәламәт яшәү рәвешен пропагандалау, муниципаль районда җиңел атлетиканы тагын да популярлаштыру.

Чарада балалар бакчаларында тәрбияләнүчеләр, мәктәп укучылары, оешма һәм предприятие хезмәткәрләре катнаша. Акциядә катнашучылар Җиңү көненә кадәр 79 километр йөгерергә тиеш. Финал 8 майда «Энергия» стадионында узачак.