Зәй көрәшчеләре илнең 48 командасы арасында өченче булды

1-2 декабрьдә Түбән Камада «ВОИН» көрәш лигасы ярышларының өченче этабы узды. Анда Россиянең 17 төбәгеннән 350дән артык яшь көрәшче катнашты. Зәй данын тренер Илнар Хәйруллин шәкертләре яклап, гомуми команда исәбе буенча Мәскәү һәм Новотроицк спортчыларыннан гына калышып 48 команда арасында өченче урынны алдылар.

Шәхси нәтиҗәләргә килгәндә 20 кг. га кадәр үлчәүдә Егор Минеев, 33 кг. га кдәрдә Әмир Хөснетдинов, 40 кг. га кадәрдә Анатолий Минькин, 45 кг. га кадәрдә Алексей Кузнецов, 45 кг. га кадәрдә Әмир Нәбиуллин бронза призерлар булдылар.
24 кг. да Данис Фаршатов, 30 кг. да Айнур Юнысов көмеш медальләр алдылар.

Ә 28 кг. га кадәр үлчәү категориясендә Әбүбәкер Мугурбиев, 40 кг. га кадәрдә Данис Землянов чемпион калдылар.
«ВОИН» көрәш лигасы ярышларының өч турниры нәтиҗәләре буенча Әбүбәкер белән Данис иң яхшы спортчылар дип билгеләнде, аларга турнир чемпионы пояслары тапшырылды