Зәй чаңгычылары уңышлар яулый

Энҗе Әгъләмова, 26 декабрь 2023 - 10:15

189

21- 22 декабрьдә Бөгелмәдә СССРның чемпионы Розалин Бакиев истәлегенә ачык республика чаңгы ярышлары үтте.

Анда Зәйдән Федор Симашев исемендәге спорт мәктәбендә шөгыльләнүчеләр катнашты.

Ярышларның беренче көнендә 3 км. га ирекле стильдә узышта Софья Пылаева өченче урын алды. Тренеры Сергей Колесов. 2 км. арага ирекле стильдә Азалия Тихонова беренче булды. Аның тренеры Ракиф Габидуллин.

Икенче көнне 3 км. га классик стильдә Софья Пылаева беренче булды. 2 км. га класссик стильдә Азалия Тихонова икенче урын яулады.

Командалар арасында зәйлеләр җиденче урында.