Зәй чаңгычылары якташлары Олимпия чемпионы Федор Симашев уңышларын дәвам итә
«Ялта-Зәй» спорт әзрелеге үзәгендә якташыбыз, Олимпия уеннары чемпионы Федор Симашев истәлегенә традицион Бөтенроссия чаңгы узышлары ярышлары бара. Анда илнең көчле яшь чаңгычылары җыелды.
Ярышларның беренче һәм икенче көннәрендә Зәй чаңгычылары яхшы нәтиҗәләр күрсәтеп куандырды. Беренче көндә кызлар арасында 5 км. арага ирекле стильдә узышта Софья Козенкова бронза медаль иясе булды. Ә егетләр арасында 10 км. дистанциягә ирекле стильдә узышуда Вадим Бирюков көмеш медаль яулады. Икенче көндә Софья Козенкова спринт узышларында икенче булды.
Спортчылар икесе дә Федор Симашев исемендәге спорт мәктәбендә тренер Рәкыйф Габидуллин кул астында шөгыльләнәләр.
Вадим Бирюковны котлау мизгеле. Фото район матбугат үзәгеннән
Следите за самым важным и интересным в Telegram-каналеТатмедиа
Нет комментариев