Яшь зәйлеләр көрәштә булдыра
14 октябрьдә Түбән Камада «Воин» балалар көрәше лигасының 2 этап сериясе турниры үтте. Зәйдән анда «Зәй» спорт мәктәбендә шөгыльләнүчеләр катнашты.
Ярышларда Россиянең 17 төбәгеннән 285 спортчы көч сынашты. Алар арасында Зәйнең яшь көрәшчеләре яхшы нәтиҗәләргә иреште. 24 килограммга кадәр үлчәү авырлыгында Данис Фаршатов, 28 килограммга кадәрдә Әбүбәкер Мугурбаев чемпион булдылар. 36 һәм 40 килограммга кадәр үлчәү авырлыкларында Равил Юнысов, Данис Землянов икенче урын яулады. 33 килограмда исә Әмир Хөснетдинов, 50 килограммга кадәрдә Адэль Якупов өченче урынны алуга ирештеләр. Әлеге егетләрнең тренеры Илнар Хәйруллин.
Ә Рамил Салихов шәкерте Альмир Габдрахманов 45 килограммга кадәр үлчәүдә җиңүче булды.
Следите за самым важным и интересным в Telegram-каналеТатмедиа
Нет комментариев