Зәйнең Мирный бистәсе мәдәният йортында “Зөбәрҗәт алан” спектакленең премьерасы булды

“Зөбәрҗәт алан” - комедиясе фантастик әсәр. Әсәрдә урман геройлары әкият геройлары белән элемтәгә керә. Тормыштагыча, бу геройлар да хыянәт һәм мәхәббәт, табыш һәм югалту тойгылары кичерә.

Комедиядә мәдәният йортының һәвәскәр берләшмәләренә йөрүчеләр катнашты. Әсәрне сәхнәгә мәдәният йортының сәнгать җитәкчесе Любовь Мөбәракшина куйды. Әминә Зарипова куйган сәхнә бизәлеше әсәрнең эчтәлеген ачып бирүдә зур урынны алып торды. Мәдәният йорты хезмәткәрләренең уртак тырышлыгы белән сәхнә киемнәре әзерләнде. Актерларның уенына жюри югары бәя бирде.

Рольләрне Илсөяр Исрафилова, Лидия Силантьева, Татьяна Королева, Анна Мельникова, Әминә Зарипова, Гөлназ Шәрипова, Татьяна Бреенкова, Любовь Мөбарәкшина, Радик Әхмәтшин, Вера Сапожникова, Мария Гарапшина һәм Роза Сабитова, Александр Селиверстов, Илназ Хәйруллин, Маргарита Демидова башкарды. Тавыш операторы - Олеся Кучумова. Утны сәхнәгә куючы - Роза Андреева.
Кыскасы, ”Зөбәрҗәт алан” геройлары бәхетле булырга телиләр.

Фотолар Мирный мәдәният йортыннан.