Зәйнең Мирный бистәсе мәдәният йортында студентлар көне узды

Чара башында алып баручылар студент көнен бәйрәм итү тарихын искә төшерделәр. Викторина бәйрәм тарихы һәм аның традицияләре турында сораулардан торды. Катнашучылар белемле булуларын күрсәтте, үзара ярышта дөрес җавап бирергә тырышты. Чарада катнашучылар уку еллары турында үзләренең тәэсирләре һәм истәлекләре белән уртаклаштылар, студент вакытларын мавыктыргыч һәм онытылмаслык итеп үткәрү турында күп кенә киңәшләр бирделәр.