Зәйдә яңа иҗат сезоны ачылды
«Мәдәният» илкүләм проектын гамәлгә ашыру кысаларында район мәдәният йортында «Иҗат канатларында» дип аталган яңа иҗат сезоны ачылуга багышланган концерт булды.
Ел саен октябрь аеннан муниципаль районда яңа иҗат сезоны башлана. «Иҗат канатларында» иҗади сезоны — ул даими рәвештә камилләшә һәм үсә, экспериментлар ясый, курыкмыйча, яңа формалар һәм темалар куллана торган иҗади кешеләр берлеге. Сәхнәгә талантлы кешеләр, коллективлар чыга.
«Район артистлары, үзешчәннәре шәһәр-район халкының мәдәни тормышында һәрвакыт мөһим роль уйный. Алар үзләренең чыгышлары белән районда узучы төрле чараларда, хәтта кырларга да чыгып, өлкәннәрне юбилейлары белән котлап, рухи азык бүләк итәләр. Соңгы елларда яңа коллективлар барлыкка килде, сәхнә костюмнары яңартылды. Боларның барысын да яңа иҗат сезонында күрергә мөмкин булачак», — ди район мәдәният йорты директоры Гүзәлия Гатина.
Следите за самым важным и интересным в Telegram-каналеТатмедиа
Нет комментариев