Зәй үзәк китапханәсендә Радик Ахунҗанов белән очрашу үтте

Радик Галимҗан улы — Россия Әдәби фонды һәм Халыкара әдәби фонд әгъзасы. Ул 5 шигырьләр җыентыгы авторы, шулай ук Менделеевск районы шагыйрьләренең 4 коллектив җыентыгы редакторы-төзүчесе дә.

Шагыйрьнең тематикасы буенча бик төрле булган шигырьләре үз эченә тормыш турында бер мизгелдә кичергән тәэсирләрне һәм уйлануларны, гадәти булмаган тарихларны һәм шигъри рәсемнәрне, туган шәһәргә мәхәббәтен һәм верлибр циклын ала.

Автор үзенең бөтен мәхәббәтен туган як поэзиясенә салган, шуңа күрә әсәрләре дә лирикасы, шәһәр пейзажына шигъри яңгыраш бирә белүе белән аерылып тора.

«Радик Ахунҗанов белән иҗади очрашуда китапханәчеләр, укытучылар, политехник көллият студентлары һәм шигърияткә битараф булмаган зәйлеләр катнашты.

Автор үзенең шигырьләрен укыды, җырлар башкарды. Чарада катнашучылар бик күп уңай хис-кичерешләр алды, рухи яктан баеды һәм һәркем үзе өчен гаҗәеп һәм кызыклы ачыш ясады», — ди баш китапханәче Лилия Хафизова.

Кунак китапханәгә «Йолдызлар инвентаризациясе» шигырьләр җыентыгын бүләк итте.

Фотолар китапханәдән.