Зәй районы Дүрт-Мунча авылы мәдәният йорты хезмәткәрләре укучыларның кышкы ялын күңелле үткәрде

Күп кенә кешеләр, шул исәптән, балалар да кышны көтеп ала. Кыш үзенең суыклары белән бераз гына куркытып торса да, чана, чаңгы, тимераякта шуу, кардан әвәләп, кар ныгытмалары төзү өчен менә дигән вакыт. Мәдәният хезмәткәрәре балалар өчен төрле уен формасындагы спорт эстафеталары оештырдылар. Биремнәр, әлбәттә, җитезлек һәм зирәклек өчен иде. Кышкы уеннар бәйрәм кәефе тудырды. Чара җиңүчеләрне котлау һәм бүләкләр тапшыру белән тәмамланды.

Фотолар Дүрт-Мунча мәдәният йортыннан