Үзәк китапханәнең “Сөмбелә” клубында “Тормышның яме – хатын – кызда” дип исемләнгән чара узды

Урамда яз җилләре исә. Яз битләребезгә үзенең җылысын өрә. Яз үзенең сихри көчләре белән кешеләр күңеленә үк үтеп керә: җан, рухка ниндидер көтелмәгән куаныч иңәр төсле, бәхет-шатлыкка юл ачылыр сыман…

Язлар матур, дибез. Бәлки, яз хатын-кызлар бәйрәме белән матурдыр?

Кичәне татар бүлеге китапханәчеләре котлаулар белән, ныклы сәламәтлек, матур тормыш, бәхетле көннәр теләп башладылар. Алар 8 март- Халыкара хатын кызлар бәйрәменең тарихы белән таныштырдылар. Килгән кунаклар викторина сорауларына җавап бирделәр. Табын артында оештырылган бәйрәм зур җанлылык, җылылык белән уеннар, җырлар, котлаулар белән аралаштырып барылды.

Фотолар үзәк китапханәдән.