Бер еладык, бер көлдек... – “Нәзер” спектаклен карагач

Чөнки Югары Мәлемнең "Балкыш" халык театры Туфан Миңнуллинның "Нәзер" моңсу комедиясен куйды.

-Без бу спектакльнең безнең җирлектә куелуын көтеп алдык. Елатты да, уйландырды да тамаша. Тирә-якта снарядлар шартлаганда, ике егет нәзер әйтә – шушы сугыш мәһшәреннән исән-сау кайта алсак, бер атнага хатыннарны алмашып торыр идек, диләр... Һәм инде алга таба вакыйгаларның чишелешен бик кызыксынып, тетрәнеп карадык. Барлык тамашачы спектакль геройлары тормышына чумды. Авыл халкы сәхнәгә төбәлеп бер шаулап көлеп алса, күп тә үтми күзләрдә яшьләр дә җемелдәде... Ике гаилә – ирле-хатынлы Сибгатуллиннар һәм Насыйровлар үз рольләрен шул кадәр оста башкардылар, искиткеч! Бик зур рәхмәт аларга, сәламәтлек, гаилә иминлеге, иҗади уңышлар телибез. Алда әле тагын да мәдәният йортыбызда очрашырбыз дип ышанып калабыз, - ди Кадер авыл җирлеге башлыгы Людмила Барсукова.

Фотолар Кадер авыл җирлегеннән