Зәйнең эшче яшьләре – «Наше время — Безнең заман» фестивале төбәк туры җиңүчеләре

Анда Зәйнең башкарма комитет командасы һәр номинациядә җиңүләр яулады.

«Музыка» (вокаль ансамбльләр), «Музыка» (кече форма), «Хореография» һәм «Дан минуты» номинацияләрендә зәйлеләр беренче урыннарны алды. Шулай ук  «Музыка» (кече форма) төркемендә Дмитрий Иванов аерым башкаручы буларак икенче урын алуга иреште.

Нәтиҗәдә фестивальнең төбәк турында зәйлеләр гомумкомандалар арасында беренче урын яулады. Хәзер алар район данын Казанда узачак суперфиналда 7-8 ноябрьдә яклаячак.