Зәй студентлар отряды штабы республикада иң яхшылардан булып танылды
15 февральдә Россия студентлар отрядлары көне алдыннан “ПОЗИС” АҖдә «ТрудКрут» карьера форумы узды.
Форум кысаларында «Елның иң яхшы студентлар хезмәт отряды» республика конкурсында җиңүчеләрне бүләкләү тантанасы узды. Конкурс нәтиҗәләре буенча Зәй муниципаль районының студентлар отрядлары штабы «Татарстан Республикасы муниципаль берәмлегенең иң яхшы студентлар хезмәт отрядлары штабы» номинациясендә җиңүче булды.
“Без Зәй районы студентлар отрядларын үстерүгә өлеш керткән һәркемгә рәхмәт белдерәбез, ә без алга таба да яңа җиңүләргә омтылабыз!” – ди район студентлар отряды штабы җитәкчесе Але студентлар отрядлары штабы командиры Аделия Борһанова.
Фотолар яшьләр эшләре идарәсеннән.
Следите за самым важным и интересным в Telegram-каналеТатмедиа
Нет комментариев