Зәй районы башлыгы Россия Дәүләт әләме көне белән котлый

Хөрмәтле зәйлеләр!
Сезне Россия Федерациясе Дәүләт флагы көне белән котлыйм!
Россия флагы көне — чын патриотлар, үз иле белән горурланучылар һәм аны яхшырак итәргә омтылучылар бәйрәме.

Бу — милләтне берләштерүче, халыкның рухын чагылдыручы, аның данлы үткәнен, бүгенгесен һәм киләчәген символлаштыручы даталарның берсе. Өч гасырлык бай тарихы булган әләмгә багышланган бүгенге көн хезмәт батырлыкларын һәм хәрби җиңүләрне, Россия гражданнарының фәнни ачышларын һәм мәдәни казанышларын берләштерә.

Россия флагы — дәүләтебезнең көче һәм бөеклеге символы. Юкка гына аның өч төсе чисталыкны, тугрылыкны һәм батырлыкны гәүдәләндерми. Без Ватаныбыз традицияләрен хөрмәт итәргә, аның бай тарихы белән горурланырга тиеш. Барысы да бары тик бездән, безнең тырышлыгыбыздан, хезмәт сөючәнлегебездән һәм үз районыбызны, республикабызны һәм бөтен илебезне баерак һәм көчлерәк итү теләгебездән генә тора.

Бу көн безнең держава хакына куелган максатларга ирешүдә рух ныклыгы һәм ышаныч бирсен! Һәм Россия флагы бәхетле һәм көчле ил өстендә җилфердәсен!

Разиф Кәримов, район башлыгы.