Зәй егетләренең быелгы беренче төркеме армиягә китте

25 апрель иртәсе Зәйнең 4 егете хәтерендә гомерлек истәлек булып уелып калыр. Бу көнне аларны якыннары, дуслары хәрби хезмәткә хөрмәтләп озатты.

Иртәнге сәгать дүрттә үк хәрби комиссариат янында җанлылык иде. Кемдер баласына үгет-нәсыйхәт бирә, кемдер дустын озата... Булачак солдатларга район башлыгы урынбасары Петр Уразайкин, хәрби комиссар Айрат Әгъләмҗанов Ватан алдындагы бурычны намус белән үтәүләрен теләп, төпле киңәшләрен бирделәр.

Егетләр әлегә республика хәрби комиссариатының чакырылыш пунктында җыелалар. Дөньялар имин булып, исән-сау әйләнеп кайтсыннар!