Татарстанның иң өлкән кешесе — Зәйдә яшәгән 108 яшьлек әби вафат

Аңа 29 майда 109 яшь тулган булыр иде.

Антонина Михайловна Казахстанда туган, Беренче Бөтендөнья сугышы, Бөек Ватан сугышы чорын кичергән. Зәйгә 80 яшендә күченеп килгән. Аны ГРЭС төзергә килгән энесе бирегә чакырган. Зәйне яратып яшәдем, дигән иде ул бер сөйләшүдә.

«Ул телевизордан яңалыкларны карап бара, сәясәт белән кызыксына, ил башлыкларының барысын да хәтерли. Күңел ачу тапшыруларыннан „Могҗизалар кыры“ программасын яратып карый», — дип язган идек без аның турыда 108 яшендә.
Әбинең якыннарының авыр кайгысын уртаклашабыз.