Район башлыгы мөселманнарны Корбан гаете белән котлый
Хөрмәтле зәйлеләр, мөхтәрәм мөселманнар! Сезне чын йөрәктән рухи сафлык, мәрхәмәт һәм игелеклелекне символлаштырган якты Корбан бәйрәме белән тәбрик итәм.
Корбан бәйрәме — ислам дөньясында иң олы, күңелләргә иң якын бәйрәмнәрнең берсе. Ул мөселманнарның тынычлык, дуслык, игелек кебек югары идеаллар тарафдарлары булуын раслап тора. Якыныңның хәленә керү, башка дин тарафдарларына хөрмәт кешеләргә күңел чисталыгын сакларга ярдәм итә.
Безнең ил өчен бүген төрле конфессияләр арасында тынычлык һәм татулыкны саклау бик мөһим.
Районыбыз мөселманнары, исламның иң яхшы традицияләренә тугры калып, җәмгыятьтә югары әхлакый кыйммәтләрне булдыруда мөһим роль уйныйлар, дин тотучыларның бердәмлеген ныгыту мәсьәләләрендә актив позициядә торалар.
Корбан бәйрәме мөбарәк булсын һәм һәр йортка татулык, иминлек алып килсен.
Хөрмәт белән район башлыгы Разиф Кәримов.
Следите за самым важным и интересным в Telegram-каналеТатмедиа
Нет комментариев