Бүген— Бөтендөнья туризм көне

Бу бәйрәм туризмның социаль, мәдәни һәм икътисади әһәмиятен өйрәнү максатыннан гамәлгә куелды. 

Бөтендөнья туризм көне — район, республика, ил һәм дөньяның яңа урыннарын ачып, сәяхәтче булган һәр кешенең бәйрәме ул. Россия уникаль табигате белән генә түгел, ә тарихи истәлекле урыннары белән дә дан тота, шуңа күрә туристлар аны елның теләсә кайсы вакытында яраталар, матур урыннары буйлап сәяхәт итәләр. 

Шулай ук бу көнне туристлык бизнесы өлкәсендә эшләүчеләрне, ял оештыру белән бәйле барлык кешеләрне котлау кабул ителгән.