18 март – Кырым Россиягә кушылган көн

Тарихка күз салсак, 1921 елда РСФСР составында күп милләтле Кырым АССР пәйда булган. 1946 елда Кырым өлкәсенә үзгәртелеп, Украина ССР составына кертелгән. 1991 елда, СССР таркалгач, Кырым өлкәсендә автономияне торгызу буенча референдум үткәрелгән. 1992 елда, үз Конституциясе нигезендә, Кырым килешү буенча Украинага кертелгән. Тик Кырым җитәкчелеге 2013 елда Украинадагы сәяси хәлләрнең кискенләшүе сәбәпле, Россия белән якынаю юлын сайлады.

 Кырым өчен ярымутрау тарихында яңа бит ачылды. Бу - безнең өчен тарихның, һичшиксез, белергә кирәк булган иң мөһим вакыйгасы. Традиция буенча 18 мартта район мәктәпләрендә, мәдәният учреждениеләрендә  Кырымның Росиягә кушылган көненә багышланган бик күп чаралар үтә.