Зәйдә узган атнада руль артына алкоголь кулланып утырган бер машина йөртүче тоткарланган

26 август – 1 сентябрьдә  район эчке эшләр бүлегенә төрле хокук бозулар турында 102 хәбәр һәм гариза кергән.  Аның 1ешәре – террорчылык  акты турында ялган хәбәр, компьютер мәгълүматларына законсыз керү, наркотик матдәләрне законсыз төстә саклау, 3се – мошенниклык очрагы.

Бу чорда шәһәр-районда 10 юл-транспорт һәлакәте теркәлгән, аларның икесендә сәламәтлегенә зыян килүчеләр бар. Юл хәрәкәте кагыйдәләрен бозуның 48 очрагы теркәлгән.  Руль артына алкоголь кулланып утырган бер машина йөртүче тоткарланган. “Аңа карата административ эш кузгатылды”,  - дип хәбәр итәләр район эчке эшләр бүлегеннән.