Кичә Зәй юлында автомобиль йөк машинасына килеп бәрелгән

8 октябрьдә 18 сәгать 15 минутта Яр Чаллы-Әлмәт юлының 43 чакрымында юл һәлакәте булган. Пригородная урамыннан хәрәкәт итүче «Ниссан Алмера» автомобиле төп юлдан килүче транспорт чарасына юл бирми һәм НЕФАЗ йөк машинасы белән бәрелешә . Җиңел машина шоферының автомобиль йөртү стажы нибары 1 ел, аның Кама Аланында яшәүче хатын-кыз булуы ачыклана. «Ниссан» автомобиленең йөртүчесе һәм пассажиры тән җәрәхәтләре ала, медицина тикшерүеннән соң өйләренә кайтарып җибәрелә. Куркынычсызлык каешларын эләктерүләре мәгълүм.