Кагыйдәләрне яхшы белүчеләр, иң тәртипле җәяүлеләр

Хәзер аны оештыручылар — автоинспекция хезмәткәрләре, «Юл куркынычсызлыгы» фонды район бүлеге башлыгы Вадим Иванов, урыннарга чыгып, үзләрен аеруча әзерлекле күрсәтүчеләрне тәбриклиләр.

Сәвәләй авылы мәктәбе яшь юл инспекторлары командасы бәйгедә 2нче урын алып,  махсус приз белән бүләкләнде. Ә «Беренче медицина ярдәме күрсәтү» этабында икенче урын алган Роман Сабаевка һәм «Юл йөрү кагыйдәләрен иң яхшы белүче» этабында өченче булган Арина Сабаевага истәлекле бүләкләр тапшырылды.

Мондый күңелле мизгелләр Кадер авылы мәктәбендә дә үтте. Анда Камилә Хаматова «Беренче медицина ярдәме күрсәтү» этабында өченче урын алган өчен бүләкләнде.

«Бәйгеләрдә катнашып югары әзерлек күрсәтүче балаларны аерым билгеләп үтү бик кирәк, бу аларга алга таба стимул бирә. Ә кагыйдәләрне яхшы белгән укучылар иң тәртипле юл хәрәкәте катнашучылары булачак», — диде Вадим Иванов.