Зәйдән хәрбиләргә чираттагы гуманитар ярдәм илтелде

Алар Донецк юнәлешендә хезмәт итүче якташларыбыз янында булды. Хәрбиләргә мич-буржуйкалар, шанц инструментлары, каплагыч пленка, изолон, тактик сумкалар, газ баллоннары һәм башка бик күп кирәкле әйберләр алып барганнар.

Салкыннар башлана. Егетләр өчен мич-буржуйкалар, газ баллоннары бик кирәк. Мичләр өчен материаллар белән һәм аларны ясауда Владимир Долгов, Константин Бабин, Артем Уразайкин, Рамил Галиуллин ярдәм иткән. Николай Токранов 5 коробка газ баллоннары алып җибәргән.

-Гуманитар ярдәмне җыюда бу юлы да район халкы активлык күрсәтте. Буржуйка мичләр ясауда булышлык итүчеләргә 430нчы полк командованиесе Рәхмәт хатлары җибәрде. Алар үзләренә ярдәм иткән һәр кешегә рәхмәтле. Эшмәкәр Вадим Иванов һәрвакыт егетләргә кирәкле әйберләрне алып җибәрүдә зур ташламалар ясый. “Зәй урманчылыгы” ранецлы урман сиптергечләр җибәрде. Барысы да җиңү өчен, егетләребезнең исән-имин кайтуы өчен! – ди Валентин Атласов.