Зәйдә элеккеге район башлыгын искә алдылар

Аны искә алырга бүген үзе исемендәге ял паркында урнашкан түбәтәйле гармун ясалган истәлекле урынга якыннары, бергә эшләгән хезмәттәшләре, дуслары, зәйлеләр килде.

Район башкарма комитеты җитәкчесе Эмиль Галеев традицион искә алу чарасында чыгыш ясап, Ринат Фәрдиевны Зәй җирен үз итеп яраткан, киң күңелле кеше иде, дип ассызыклады.

- Ринат Шәехович район үсеше өчен зур көч куйган, зәйлеләргә уңай яшәү шартлары булдыруга йөз тотып хезмәт иткән кеше, - диде ул.

Ринат Фәрдиев хөрмәтенә истәлек билгесе тирәсе кызыл чәчкәләргә күмелде.