Зәй районында 800гә якын авыл кешесе онкологиягә тикшерелде

Исегезгә төшерәбез, мобиль комплекс берьюлы ике тикшерү - маммография һәм флюорография узарга мөмкинлек бирә. Бу эш хатын-кызлар һәм ир-атлар арасында онкологияне профилактикалау өчен башкарыла.
Авыл ФАПы янында иртәнге якта тикшерү үтәргә теләүчеләр чираты тезелде.
"Машина кичә үк килде, ә бүген иртәнге сәгать 8дән халыкны кабул итү башланды. Бу күбесенчә хатын-кызлар. Безнең участокта күпләр Зәй  район дәваханәсендә тикшерүләр узган инде, әмма монда якын-тирәдәге Урта һәм Югары Баграж авылларыннан күбесе. Авыл халкы мондый мөмкинлеккә бик шат.  Мин  нәтиҗәләрне хәбәр итәр өчен тикшерү үткән һәркемне исәпкә алам, - ди ФАП фельдшеры Галина Данилова.
Аның участогында 240 кеше. Фельдшер халыкның диспансерлаштыру үтүен катгый күзәтә. Диспансерлаштыруның беренче этабын ФАПта үтәргә мөмкин. 
Фельдшерга ярдәмче Светлана Макарова ярдәм итә. Исегезгә төшерәбез, быелдан Зәй үзәк район дәваханәсенә «Фельдшер ярдәмчесе» проекты буенча 17 фельдшер ярдәмчесе эшкә урнашты. Алдан алар ярты еллык курслар үткәннәр. Ярдәмчеләрнең бурычы - диспансерлаштыруга әзерләнүдә ярдәм итү.